29 марта 2024, пятница09:34

Запись

Брэсцкая вобласць прыняла эстафету рэспубліканскага конкурсу “Усе разам”

15 мая 2014, 6:32

Медалі і ганаровыя граматы прывезлі столінскія “бусляняткі” з фіналу рэспубліканскага конкурсу “Усе разам”, які праходзіў з 6 па 8 мая ў Мазыры. Удзел у ім прынялі больш за 80 дзетак, аб’яднаных у 7 каманд, з розных абласцей краіны і горада Мінска.

Брэсцкую вобласць прадстаўляла каманда Столінскага цэнтра карэкцыйна-развіваючага навучання і рэабілітацыі (ЦКРНіР) “Бусляняты”. Гэта педагогі,  валанцёры і выхаванцы цэнтра: Марыя Домніч, Яўген Апановіч, Аляксандр Бруцкі, Анастасія Міклуш, Карына Несцяровіч, Юлія Мароз, Дзяніс Цупа, Арцём Грыб, Дзмітрый Гляд, Адам Домніч, Руфіна Ядлоўская, Віалета Пятроўская.

У першы дзень, дзень адкрыцця конкурсу, фіналісты здзіўляліся майстэрству  артыстаў мазырскага цэнтра цыркавога мастацтва “Арэна”. Другі дзень стаў больш насычаным: пачаўся конкурсам, а завяршыўся наведваннем дэкаратыўна аформленага гістарычнага цэнтра горада “Мазырскі замак”. Акрамя таго, каманды наведалі ўстановы адукацыі горада.

“Сам конкурс прайшоў у форме вясёлай міні-спартландыі з элементамі спаборніцтва. Удзельнікі павінны былі выканаць пэўныя спартыўныя практыкаванні, – распавядае намеснік дырэктара Столінскага ЦКРНіР Ганна Паўлаўна Валюкевіч. –  Нашы дзеці шчаслівыя ад таго, што былі там. Калі мы вярталіся дамоў, то яны шмат гаварылі пра тое, каб яшчэ раз трапіць на такі конкурс”.

Рэспубліканскі конкурс “Усе разам” – адна з эфектыўных тэхналогій уключэння дзяцей з асаблівасцямі псіхафізічнага развіцця ў жыццё грамадства. Невыпадкова, што ў гэтых спаборніцтвах усе дзеці – пераможцы.

Каманда “Бусляняты” ўзнагароджана дыпломам Міністэрства адукацыі Рэспублікі Беларусь. А Брэсцкая вобласць прыняла эстафетную палачку. Гэта значыць, што наступны фінал конкурсу “Усе разам” пройдзе роўна праз два гады на Брэстчыне.

 


Все регионы

Фото: ТГ унинецкого райисполкома
Фото иллюстрационное из архива Медиа-Полесья
Фото из архива
Фото использовано в качестве иллюстрации, из архива МП

В стране и мире

Снимок носит иллюстративный характер / Фото: телеграм-в.рф
Фото использовано в качестве иллюстрации, yandex.ru
Минск, университет БНТУ, проспект Независимости
Фото использовано в качестве иллюстрации. Фото: Reuters
Снимок носит иллюстративный характер / Фото: pixabay.com
Фото: ГУР Украины

Полешуки

Очень вкусно

В фокусе - Полесье

Для тебя