29 марта 2024, пятница16:39

Запись

Свята сваёй вёскі з шырокім размахам адзначыла Рухча

23 мая 2013, 12:02

22 мая жыхары вёскі Рухча адзначаюць свята ў гонар Мікалая, угодніка Божага. Яго імем названа і мясцовая царква: Свята-Мікалаеўская, якая з’яўляецца помнікам драўлянай архітэктуры XVIII стагоддзя (годам заснавання лічыцца 1730 год). У царкве з гэтай нагоды адбылося святочнае богаслужэнне.

У 14.00 ля мясцовага дома культуры пачалася канцэртная праграма, удзел у якой прынялі самадзейныя артысты вёскі, і разгарнуўся гандлёвы рад.

Да землякоў са словамі вітання і невялічкім экскурсам у гісторыю вёскі   звярнуўся старшыня Рухчанскага сельсавета Валерый Ліс. Старшыня Столінскага райсавета дэпутатаў Аляксей Дзямко гаварыў пра тое, што кожнаму патрэбна берагчы родную вёску, клапаціцца аб захаванні чысціні і парадку на бацькоўскай зямлі. Аляксандры Палхоўскай,  Уладзіміру Дзенісовічу і старшыні СПК “Рухчанскі” ўручаны ўзнагароды за парадак у асабістых дварах і на тэрыторыіі СПК.

У в.Рухча на сённяшні дзень ёсць 4 жыхары, якім ужо за 90 год: Марыя Калаур, Вольга Дзікавіцкая, Ганна Шаламіцкая і Надзея Качаноўская (ёй 93 гады і яна самая старэйшая сярод доўгажыхароў).  63 людзям ўжо за 80 год. І толькі адзін ветэран Вялікай Айчыннай вайны застаўся ў в.Рухча. Гэта Іван Паўлавіч Падвіцельскі. Самы маленькі жыхар вёскі – Улляна Шаміч,  якая нарадзілася 19 лютага 2013 года, яе бацькам, як і старэйшаму жыхару вёскі і ветэрану ад сельсавета і дома культуры ўручаны падарункі.

Не абышлося без ушанавання працаўнікоў мясцовага СПК: віншавалі людзей, якія працуюць ўжо больш за 40 год, і моладзь. Гэта Іван Палхоўскі, Іван Шаламіцкі, Пётр Багатка, Аляксандр Кужко, Уладзімір Рамашка.

Вядучыя праграмы Аксана Дзямко і Эдуард Голышаў назвалі выхадцаў з Рухчы, якія сталі вучонымі, кандыдатамі навук. Не абмінулі ўвагай і Соф’ю Сцяпанаўну Матвяйчук, якая каля 40 год адпрацавала ў мясцовай бібліятэцы, і самую актыўную ўдзельніцу вясковых і раённых творчых свят – Таццяну Галух.

Ля летняй сцэны працавала выстава творчых работ вясковых умельцаў. Усе жадаючыя маглі пакаштаваць салодкую вату, халодны квас, розныя прысмакі. Для дзяцей працаваў батут.


Все регионы

Фото: ТГ унинецкого райисполкома
Фото иллюстрационное из архива Медиа-Полесья
Фото из архива

В стране и мире

Алим Кошеваров. Источник фото: zerkalo.io
Снимок носит иллюстративный характер / Фото: телеграм-в.рф
Фото использовано в качестве иллюстрации, yandex.ru
Минск, университет БНТУ, проспект Независимости

Полешуки

Очень вкусно

В фокусе - Полесье

Для тебя