23 мая 2022, понедельник09:04

В стране и мире

Обращение главы Верховной Рады Украины к белорусам в связи со сложившейся ситуацией

24 марта 2022, 19:20

Фото с сайта parlament.ua

Фото с сайта parlament.ua

Публикуем обращение Руслана Стефанчука без сокращений.

 

Звяртаюся да цябе, Беларускі народ, да ўсіх вас, нашыя Беларускія сёстры і браты!

Ваенны злачынца Пуцін, які ўжо па локці ў крыві ад вайны, якую ён распачаў з Украінай, хоча ўцягнуць яшчэ і вас у гэтае злачынства. Ён хоча звязаць вас крывёю нявінна забітых украінцаў, рускіх і беларусаў.

Расійскія войскі падступна ўвайшлі ва Украіну праз тэрыторыю Беларусі, падняўшы радыеактыўны попел Чарнобыля, які праз 36 гадоў зноў атручвае ўкраінцаў і беларусаў.

Расіяне страляюць па святыні ўсіх славянаў – залатаверхім Кіеве, руйнуючы ўсё дарагое для нас і вас, забіраюць чалавечыя жыцці

Кожны дзень з вашай тэрыторыі ўзлятаюць самалёты і запускаюць ракеты, якія забіваюць нашых дзяцей і жанчынаў.

Зараз злачынны рэжым Пуціна хоча яшчэ і кінуць вашых сыноў у мясарубку вайны.

Не дазваляйце гэтаму здарыцца!

Не маўчыце. Вы ведаеце, што рабіць. Нельга сядзець моўчкі.

Жыццё ў рабстве – гэта не жыццё. Зараз пішацца гісторыя, і мы ведаем, што гісторыя не даруе злачынстваў.

Надыходзіць момант ісціны, кропка невяртання. Калі вашыя салдаты ўвойдуць на суверэнную тэрыторыю Украіны, уся гісторыя нашага сяброўства будзе знішчаная на стагоддзі. Але вы ўсё яшчэ можаце зрабіць правільны выбар.

Вашыя героі ўжо даказалі, што нельга пускаць рускага забойцу на сваю чыгунку. Гэта ўжо не толькі пытанне свабоды, гэта ўжо і пытанне вашага выжывання.

Мы можам і павінны перамагчы агульнага ворага і гарантаваць мір, стабільнасць, бяспеку і незалежнасць для ўсяго рэгіёна, для адзінай і свабоднай Еўропы.

Вы маеце права не змагацца!

З намі цяпер уся Еўропа, з намі цяпер увесь свет. Нашыя ўзброеныя сілы ўмеюць абараняць сваю зямлю і свой народ. Ахвяры сярод расійскіх вайскоўцаў зараз каласальныя.

Вось ужо 27 дзён украінскі салдат не толькі стрымлівае, але і перамагае «другую армію свету», як называлі сябе расійскія вайскоўцы. Расійскія салдаты ўжо масава здаюцца ў палон. Так яны ратуюць сваё жыццё.

Не ахвяруйце самым лепшым, што ёсць – жыццём вашых сыноў і дачок!

Звяртаюся да беларускіх маці – не адпускайце сваіх сыноў на вайну!

Звяртаюся да беларускіх жанчынаў – не адпускайце паміраць вашых мужоў і блізкіх!

Звяртаюся да беларускіх мужчынаў – падумайце пра сваіх дзяцей, якіх вы пакінеце сіротамі, або пра сваіх ненароджаных дзяцей!

Звяртаюся да беларускіх дзяцей – не адпускайце сваіх дарагіх бацькоў на гэтую вайну, бо вы іх больш не ўбачыце.

Звяртаюся да беларускіх вайскоўцаў — памятайце, што злачынныя загады можна і трэба не выконваць!

І так, дарагія беларусы, мы, украінцы, бачым, колькі вас едзе ва Украіну змагацца за нашу і вашу свабоду. Мы бачым, што беларусы ўзрываюць рэйкі ўнутры Беларусі і перадаюць інфармацыю пра месцазнаходжанне ваеннай тэхнікі агрэсара.

Мы бачым, што вы ствараеце ініцыятывы і фонды для падтрымкі нашых мужчын і жанчын на фронце. Ад імя ўсёй Вярхоўнай Рады: дзякуй за гэта

Але, калі ласка, не спыняйцеся, а працягвайце рабіць усё магчымае, каб паказаць, што беларускі народ супраць гэтай вайны.

Беларусы, не трэба паміраць за Расію!

Жывіце дзеля Беларусі!

Нас з Вамі яшчэ чакае шчаслівае мірнае жыццё, зрабіце правільны выбар.

Голова Верховної Ради України Руслан Стефанчук

1 1 голос
Рейтинг статьи

Читайте нас В Яндекс.Дзен

Подписаться
Уведомление о
0 Комментарий
Inline Feedbacks
View all comments

Все регионы

540 лягушек в коллекции. И это не предел

Фото использовано в качестве иллюстрации
Снимок носит иллюстративный характер / Фото из архива Медиа-Полесья
Фото из архива МП
Снимок носит иллюстративный характер / Фото: sovsakh.ru
Фото из соцсетей
Снимок носит иллюстративный характер /Фото из архива Медиа-Полесья
Фото из открытых источников
Фото Владимира Богданова

В стране и мире

Полешуки

Новости компаний

В фокусе - Полесье

Коронавирус

Для тебя

0
Будем рады вашим мыслям, пожалуйста, прокомментируйте.x
()
x