28 октября 2020, среда20:31

Происшествия

«Прашу прызначыць мне смяротнае пакаранне»: у Мінску судзяць маці за забойства 3-гадовага сына

25 мая 2015, 16:26

У Мінскім гарадскім судзе 25 мая пачаўся суд над 34-гадовай мінчанкай Інай Зубовіч, якая выкінула з акна свайго трохгадовага сына.

Здарэнне адбылося на вуліцы Адзінцова, у Фрунзенскім раёне Мінска, 28 студзеня.

Жанчыну вінавацяць у забойстве заведама малалетняга, які знаходзіўся ў бездапаможным стане. Яна, па яе сцверджанні, збіралася забіць сябе разам з сынам. Аднак пасля падзення дзіцяці, якое потым памерла ў бальніцы, жанчына не завяршыла задуманае.

Справу разглядае суддзя Арлоў. Жанчыне не пагражае вышэйшая мера пакарання — жанчын у Беларусі не расстрэльваюць.

Іна Зубовіч адварочваецца ад камер, прамаўляе ціха. «Не трэба мяне здымаць», — кажа яна. 

Адвакат на сення — Яскевіч, асноўны адвакат захварэў.

Іна Зубовіч нарадзілася 12 ліпеня 1980 у Мінску. Адукацыя — сярэдняя (скончыла школу №159 у сталіцы). Працавала памочнікам выхавацеля ў садку, не замужам.

«Прашу слухаць справу ў закрытым рэжыме», — прасіла адвакат.

«Мне і так цяжка. Не хачу,каб на ўсю краіну… хоць і разумею, што гэта гучная справа», — кажа Зубовіч. Але суддзя адмовіў — працэс адкрыты.

Сын нарадзіўся 8 верасня 2011.

Перад забойствам Зубовіч напаіла яго — у целе хлопчыка знайшлі 1,9 праміле алкаголю. Затым яна скінула з балкона 12-га паверха.

Жанчына плача, калі пракурор зачытвае абвінавачанне. Памёр сын у бальніцы. Зубовіч кажа: «Прызнаю віну цалкам».

Бацька сына выпіваў. І калі дзіцяці быў адзін месяц, Зубовіч выставіла яго з дому. Жыла з маці, якая і ўтрымлівала сям’ю. Але дзіця шмат хварэла, Іна працаваць не магла. І яе маці праз гэта маці сварылася.

Пасля нараджэння Іна пазычыла ў сяброўкі 4,5 млн рублёў на ложак і каляску. Дамовіліся, што верне далярамі: у 2011 гэта была 1 000 даляраў. Але не змагла аддаць і праз тры гады.

У 2014 пайшла працаваць у садок. У верасні памылкова ёй налічылі больш грошай. Жанчына імі скарысталася: пусціла на сына. На працы вырашылі, што «лішнія грошы» будуць вылічваць з яе заробку, і за снежань і студзень яна на рукі нічога не атрымала, бо знаходзілася на бальнічным. Гэта і падштурхнула задумацца пра суіцыд.

У дзень здарэння Зубовіч купіла 2 літры віна для сябе і літр слабаалкагольнага напою сыну. Але малы піць не стаў, толькі з бакала маці пацягваў, калі жанчына адыходзіла. Пасля дзіцяці стала кепска. Калі яна выпівала, патэлефанаваў бацька дзіцяці. І яна сказала, што той больш сына не ўбачыць.

Сын сядзеў побач і пачаў засынаць. Яна яго адзела. І падняліся на 12-ы паверх свайго дома — самі жылі на 4.

«Падымаліся на ліфце — дзіця несла на руках». Сын усё спаў. Яна паспрабавала з сынам «зваліцца», але быў высокі парапет. 

Таму спачатку падняла і скінула сына. Не глядзела, як ён падаў.

 «Толькі чула». І закрычала. Пачала выклікаць хуткую наверсе. Не атрымалася, таму спусцілася ў кватэру. «Сказала, што дзіця звалілася на казырок». Спусцілася сама на казырок. Там ужо былі суседзі. Сын ляжаў на баку. Суседзі выклікалі міліцыю, якая і забрала жанчыну.

У Іны былі раней спробы суіцыду — у 2001, 2008 гг. «Сямейныя праблемы».

«Я хачу пакончыць з сабой. Прашу суд прызначыць мне смяротнае пакаранне»,— заявіла Зубовіч на судзе.

***

Паводле версіі следства, жанчына вырашыла пакончыць з сабой, бо перажывала з-за неўладкаванасці ў асабістым жыцці і цяжкога матэрыяльнага становішча. У тым ліку яе была грашовая пазыка.

Яна меркавала, што сын без яе будзе нікому не патрэбны, таму нібыта зрабіла спробу суіцыду разам з ім.

0 0 голос
Рейтинг статьи

Читайте нас В Яндекс.Дзен

Подписаться
Уведомление о
0 Комментарий
Inline Feedbacks
View all comments

Все регионы

"Наши родные находятся в СИЗО"

Фото Пинский пограничный отряд
Фото иллюстрационное
Фото иллюстративное, forum.zr.ru
Лисички, квашения, мёд, орехи, фасоль...
Снимок носит иллюстративный характер

Новости компаний

В стране и мире

Елена Бохан / Фото: nashaniva.by
Фото: Sputnik Молдова
Снимок носит иллюстративный характер / Фото: nashaniva.by
Фото Надежды Бужан
Снимок носит иллюстративный характер / Фото из архива Медиа-Полесья
Фото: Пул Первого

В фокусе - Полесье

Коронавирус

Для тебя

0
Будем рады вашим мыслям, пожалуйста, прокомментируйте.x
()
x