28 марта 2024, четверг11:54

Политика

Прымакоў: Расія павінна прызнаць украінскі паўднёвы ўсход часткай Украіны

15 января 2015, 7:40

Экс-прэм'ер Расіі лічыць, што Масква павінна супрацоўнічаць з ЗША і НАТА, інакш яна будзе страчаная як вялікая дзяржава.
Пагрозы «каляровых рэвалюцый» для Расіі не існуе, «нягледзячы на тое, што пра гэта паведамляюць заходнія СМІ», а асноўныя праблемы для краіны тычацца эканомікі і звязаныя з надзвычайнай цэнтралізацыяй ўсіх сфер жыцця, у тым ліку эканомікі.
 
Пра гэта былы прэм’ер-міністр, акадэмік РАН Яўген Прымакоў заявіў на паседжанні «Меркурый-клуба» 13 студзеня. Тэкст яго выступлення апублікаваны на сайце Гандлёва-прамысловай палаты.
 
Гаворачы аб знешнепалітычным курсе краіны, ён заявіў, што ні пра якую ізаляцыю Расіі не павінна ісці гаворка, і Масква абавязаная развіваць адносіны з усімі краінамі і Захаду, і Усходу, нягледзячы на дзейсныя санкцыі.
 
Экс-прэм’ер перакананы, што Расія павінна прызнаць украінскі паўднёвы ўсход часткай Украіны і менавіта з такіх пазіцый весці перамовы з ЗША і Еўропай.
Ён дадаў, што Крым і Севастопаль «не могуць быць разменнай манетай» у міжнародных перамовах. Расія, на яго думку, павінна трымаць дзверы адкрытымі для ЗША і НАТА ў «супрацьдзеянні сапраўдным пагрозам чалавецтва — тэрарызму, наркагандлю, раздзьмуванню канфліктаў». Без такога супрацоўніцтва Расія будзе страчаная як вялікая дзяржава, лічыць Прымакоў.
 
У бліжэйшыя два гады ўлады павінны правесці рэальную дыверсіфікацыю эканомікі і даць максімальную эканамічную свабоду рэгіёнам, сказаў таксама экс-прэм’ер. Тэрмін у два гады ён назваў, таму што менавіта столькі часу Уладзімір Пуцін адвёў на пераадоленне крызісу, выступаючы на вялікай прэс-канферэнцыі ў снежні. «Рэальны федэралізм» дапаможа знайсці выхад з эканамічных праблем, лічыць Прымакоў.
 
На яго думку, за бліжэйшыя два гады выканаўчая ўлада абавязаная абвясціць аб праектах рэальнага пераходу ад сыравіннай эканомікі да эканомікі з развіццём апрацоўчых галін і лёгкай прамысловасці.
 
Працягваючы тэму федэралізму, Прымакоў заявіў аб неабходнасці пераходу да агульнаграмадзянскага самавызначэння расейскага насельніцтва, але адзначыў, што недапушчальна гэта рабіць праз супрацьіпастаўленне рускай культуры культур іншых этнічных груп.
Згадаўшы апошнія тэракты ў Францыі, ён сказаў, што ў Расіі неабходна «сур’ёзнае супрацьдзеянне русафобіі, нацызму, антысемітызму», а таксама «да гэтага варта дадаць рашучую барацьбу з тымі, хто замахваецца на рэлігійныя каштоўнасці мусульман». 

Все регионы

Фото из архива
Фото использовано в качестве иллюстрации, из архива МП
Фото используется в качестве иллюстрации
Фото использовано в качестве иллюстрации, bydobry.com

В стране и мире

Снимок носит иллюстративный характер / Фото: pixabay.com
Фото: ГУР Украины
Никита Литвинович. Фото: vk.com
Здание ГУБОПиК МВД в центре Минска. Фото:
сахащик
На украинско-белорусской границе / facebook.com/vitaliy.bunechko/
Снимок носит иллюстративный характер / Фото: drom.ru
Знак на беларусско-российской границе в Витебской области Беларуси. Фото: правозащитный центр «Весна»

Полешуки

Очень вкусно

В фокусе - Полесье

Для тебя