14 апреля 2024, воскресенье06:49

Общество

Яна заўсёды ў форме, ездзіць на ровары і дапамагае ўсім, хто мае патрэбу

22 марта 2024, 12:42

Ірына Аляксандраўна Ганчарова - вядомая настаўніца на Лунінеччыне. Выкладала матэматыку, зараз на заслужаным адпачынку. Але застаецца руплівай і актыўнай. Яшчэ яна - валанцёр Беларускага Чыр­вонага Крыжа.

 

Пра валанцёрства Ірыны Ганчаровай ў Чырвоным Крыжы распавяла “Настаўніцкая газета”.

У былой настаўніцы матэматыкі Ірыны Аляксандраўны амаль 40 гадоў педагагічнага стажу. У савецкія гады некаторы час ёй давялося папрацаваць у школе ў Прыбалтыцы, куды па размеркаванні накіравалі яе мужа-фельчара. Але большую частку свайго працоўнага жыцця яна аддала Лунінеч­чыне — настаўнічала ў школах вёскі Бараўцы і аграгарадка Вулька-2.

— Я з дзяцінства любіла матэматыку. Калі не магла рашыць нейкую задачку, нават перад сном працягвала думаць над ёй і раніцай прачыналася з гатовым адказам. Мне вельмі падабалася выкладаць гэты прадмет у школе, захапляць ім дзяцей. Пры гэтым я заўсёды ўлічвала тэмперамент і здольнасці кожнага вучня, не заганяла іх у адзіныя рамкі. Пры такім падыходзе дзеці больш эфектыўна засвойваюць прадмет і атрымліва­юць трывалыя веды, — расказвае Ірына Ганчарова.

Пасля таго як дасягнула пенсіённага ўзросту, яна працягвала праца­ваць яшчэ тры гады. А потым вырашыла, што прыйшоў час ісці на заслужаны адпачынак.

— Справа не ў тым, што я стамілася. Проста адчула, што мой узрост стаў пэўнай перашкодай паміж мной і вучнямі. Я ўспрымала іх нармальна, а вось яны мяне — не зусім так, як трэба. А так быць не павінна, — адзначае мая суразмоўніца.

Спакойнае, размеранае жыццё пенсіянера яна вытрымала ўсяго два месяцы. Заняцца заўсёды было чым: у Ірыны Аляксандраўны чатыры дачкі, пяцёра ўнукаў і праўнук. Але не хапала сацыяльнай актыўнасці, хацелася быць карыснай грамадству, дапама­гаць людзям. І яна звярнулася ў раён­нае аддзяленне Беларускага таварыс­тва Чырвонага Крыжа з прапановай стаць валанцёрам. І вось ужо 9 гадоў удзельнічае ў яго дзейнасці на добра­ахвотных асновах.

Акцыя Чырвонага Крыжа на Вадохрышча
Акцыя Чырвонага Крыжа на Вадохрышча

За гэты час паспрабавала сябе ў самых розных кірунках. Разам з іншымі валанцёрамі ўдзельнічала ў акцыях за здаровы лад жыцця, дапамагала бежанцам, збірала ахвяраванні для малазабяспечаных грама­дзян.

 

А яшчэ Ірына Аляксандраўна ў якасці валанцёра дапамагае сацыяльным службам клапаціцца аб адзінокіх пажылых лю­дзях.

Актыўны лад жыцця дапамагае ёй быць у форме і захоўваць пазітыўны настрой.

Неяк давялося паспрачацца з адной сваёй знаёмай, якая сказала, што выйшла на пенсію дажываць. Што значыць дажы­ваць? Трэба жыць! Пакуль здароўе дазваляе, на пенсіі можна рабіць усё, што ты хочаш. Як сам сябе настроіш, так і пойдзе. Таму настройвацца трэба на актыўнасць і пазітыў! упэўнена Ірына Ганчарова.

Ірына Аляксандраўна з дачкамі

 


Все регионы

Фото: Пинский телеграм
Фото используется в качестве иллюстрации
Фота з асабістай старонкі Юліі Семчанка ў ФБ
Снимок носит иллюстративный характер

В стране и мире

Артур Ролич. Фото «Киберпартизан»
Олаф Шольц, скригншот видео
Фото ГАИ Минск
Кадры из видео
Фото: ГУБОПиК МВД
Фото cryptowikipedia.ru

Полешуки

Очень вкусно

В фокусе - Полесье

Для тебя